Sala del castello di San Giusto

Sul cuel di Sant Just, là che al è il cjistiel, al è tal mieç de citât di Triest. Sît storic e archeologjic une vore interessant pes olmis romanis che si puedin viodi ancjemò de glesie viere dal Sant, si rive de stazion dai trens cul autobus n. 24. Li dongje a son un ristorant e un bar; altris locâi di ristorazion e albiercs si pues cjatâju da pît de culine, te part basse de citât.
La sale Caprin (14.5x6.4x5)  e je tal prin plan dal edifici clamât Cjase dal Cjapitani, dentri dal cjistiel. Si jentre par une scjale dome di une bande. L’ambient al à dentri furniments comprâts dal Comun tal 1933 dai erêts di Giuseppe Caprin (1843-1904).
Il furniment, comprât a Vignesie dal storic stes, lu componin mobii e oparis di art venite dai secui XVI-XVIII.
Al à un paviment di teraç venezian e un sofit a cassetons cuntune tele di Andrea Celesti (1639-1700) che e rapresente il Trionf di Vignesie.
E rive a tignî 60 puescj par sentâsi, cuntune capience massime di 80 personis.
La sale no si pues metile a scûr. Si segnale ancje un ambient dongje (4x6.5x3), la antisale. Li dongje a son i servizis a norme cence riscjaldament. La sale, no à il riscjaldament, e par chest si pues doprâle dome di Mai a Otubar tai oraris che al è viert il Museu-Armerie.