Sala del castello di Flambruzzo

Tal cjistiel di Flambruç si pues rivâ cul servizi public di corieris che al partìs dai centris plui grancj. Lenti ator, te enoteche Dal Diàul, o podarês fermâsi e cerçâ vins locâi e di fûr, ma se o volarês mangjâ o si pues sielzi fra i tancj ristorants dongje, par esempli: Al Ferarùt, Da Pippo, Al Mulino. Par prenotâ, si pues cirî tal albierc Ai Gallici a Ariis.
La sale Rota (15x7x3.50) e je la plui grande fra chês dal cjistiel: logade a plan tiere, si rivii traviers di doi portons; un, in face dal maraveôs parc che al cercene il palaç, al fâs ancje di jessude di sigurece. Dôs jentradis diretis e cuatri indiretis a coleghin la sale cui ambients dongje: a son salutis piçulis e la sale Badoglio (7x6.50x3.50). Nissun dai ambients nol à il riscjaldament. La sale Rota e à chest non par vie dai famôs antenâts de famee che a insuazin lis parêts, dant al ambient une atmosfere di splendôr vieri; il paviment al è in teraç a la veneziane decorât a mosaic; il furniment al è sclet cun mobii di famee là che al fâs biele mostre il taulin centrâl doprât dai relatôrs. La sale e ten sù par jù 100 personis e al è pussibil scurîle. La disponibilitât e je par dut l’an.