Osteria al Castello

Par rivâ tal cjistiel di Feagne dai paîs dongje plui impuartants al è ancje un servizi public di corieris.
Logât su la culine là che une volte al jere il cjistiel, che ancjemò si puedin viodi i siei rescj plui massîfs, chest ristorant al ufrìs un panorame pardabon senografic. La cusine us propon un menù simpri diviers lant daûr de stagjon e de vene dal chef e doprant soredut i prodots dal teritori. La cjarte dai vins e je ben dotade, sù par jù tresinte nons, tra vins locâi e talians, ma ancje propuestis di nivel internazionâl.
Vie pes stagjons plui fredis o podarês scjaldâsi dongje di doi grancj camins che si imparessin te sale principâl e te sale bar, invezit, vie pal Astât, o podarês gjoldi dal panorame che e ufrìs la terace naturâl denant dal locâl, là che us vignarà servît il menù.
Ve chi cualchi esempli de cusine che o podarês cjatâ: tartare di ton cun verduris di stagjon, creme clipe di canelins di rîs neri, lasagnins gratinâts di verduris cun pesto cul basili, filet di manç cun tarte tatin di pomodoros.