Museo Civico di Torre Raimonda

Il museu al è stât istituît uficialmentri intal 1993 intai plans disore de Tor Raimonde, cuntune racuelte di materiâi archeologjics dâts dongje sul finî dai agns Cincuante dal prof. Federico de Rocco intune cun altris apassionâts, siei amîs. La ricuelte e je stade po dopo integrade cun materiâi che a vignivin di ricueltis di superficie e di un sôl sgjâf stratigrafic fat intal 1972 a Sant Valantin (necropoli de prime ete dal Fier). Vuê la esposizion e je dividude in dôs sezions: une archeologjiche, cu lis testemoneancis insediativis de popolazion locâl che a van de ete preistoriche fin ae Rinassince, e une storiche artistiche, cui afrescs di Palaç Altan vignûts fûr vie pai lavôrs di restaur e po dopo puartâts vie par conservâju de distruzion. Inte prime sale lis bachechis a racuein in ordin cronologjic manufats pal plui di clap de ete Protostoriche e Preistoriche che a vegnin dal Friûl Ocidentâl e dal teritori di Sant Vît; manufats de ete dal Bronç, cun esemplis dal sît dal Boscat, e de ete dal Fier che o vin za dit. Intune seconde piçule sale si cjatin reperts de ete Romane: materiâi ediliziis e massime sclesis di cop cu la marche, ven a stâi il bol imprimût sui cuets che a vegnin di dute la cueste dal Adriatic dal nord; ceramichis, massarie, veris, metai e monedis diferentis che a vegnin des vilis di campagne di Gorgaç e Gheno e che a puedin sei datâts tra la fin dal I secul prin di Crist e il IV secul daspò di Crist. Tra ducj i reperts al risalte un piçul cjâf di Gorgone simbul dal museu.

Il percors si ferme inte tierce sale dulà che a son logâts slambris di afrescs che a vegnin sei dal antîc palaç Altan sei di cualchi glesie di li dongje, un recipient di piere cu la steme di Sant Vît e un toc di sofit di len cuntune des stemis Altan.