Museo Provinciale della vita contadina

Daspò di vênt passadis cetantis, il museu al à cjatât une sede li de barcjesse di Palaç Altan. Il professôr Diogene Penzi, che il museu i è dedicât, al à podût cussì viodi presentade al public la sô preseose e ricje colezion di imprescj dal mont contadin. Regalade ae Provincie di Pordenon intai agns Novante, la colezion e spiete ancjemò gnûfs spaziis – che cumò a son daûr a sei restaurâts – al fin di completâ la mostre sei cun ogjets metûts vie intai dipuesits, sei cu lis donazions che la popolazion e fâs di un continui. Si à di rimarcâ che chestis testemoneancis di vite contadine a vegnin dome dal Friûl ocidentâl. Lis didascaliis, ma ancje lis fotografiis e lis citazions leterariis gjavadis fûr di oparis locâls, a fasin che si puedi capî a ce che al coventave ogni toc.

Vie pes salis il visitadôr al pues viodi i furniments pe cusine e pe cjamare, incuriosîsi cjalant lis scunis, i zugatui e lis ninenanis inte sezion infanzie; al pues preseâ i cetancj imprescj doprâts par fâ il vin, i struments par filâ e par tiessi la sede, i furniments pai animâi e i argagns par tirâju sù e dâur di mangjâ.