Festa di primavera e d'autunno

In Avrîl e in Otubar tal senari tant biel dai cjistiei di Strassolt si davuelzin doi apontaments impuartants e sugjestîfs: te Vierte: Rosis, Aghis e Cjistiei e te Sierade: Pomis, Aghis e Cjistiei. Dentri si puedin amirâ i curiôs prodots di artesans, decoradôrs, anticuaris, artiscj e diletants selezionâts, che a interpretin il teme des rosis te Vierte e des pomis te Sierade. Tal parc dal cjistiel disore, cun di plui, o podarês restâ maraveâts di vivariscj pardabon particolârs. Dilunc des manifestazions – pensadis par valorizâ chest borc vieri – a son organizadis mostris, ricostruzions di ambients, concierts e spetacui.