Azienda Agricola Poggiobello

La piçule localitât di Poggiobello si le cjate framieç di un paisaç culinâr di grande sugjestion. Li dongje, a di un pâr di chilometris, tal paîs di Vuelis, si pues cjatâ cualchi ostarie, ma se si vûl mangjâ ben, pôc plui innà de aziende, tun cjasâl medievâl fortificât, si cjate l’agriturisim “Ronchi di Sant’Egidio” (viert dome tai fins di setemane). Se si à bisugne di fermâsi la gnot, a Manzan al è l’Hotel Natisone e a Sant Zuan il Wiener Hotel; altris albiercs si ju cjate a Cividât.

Bielzà doi mil agns indaûr achì, te Torate di Rosacis, e jere la vît e il vin. Forsi ancje il Pucinum, tant amât de imperadore Livie tal prin secul denant di Crist. Di cheste culine si pues viodi la basiliche di Aquilee, si sintin i aiarins che a vegnin sù dal mâr e si è protezûts dai aiars frêts che a rivin di Nord des Alps. Pal vin furlan, la vicine badierlanhe a rivin di Nord des Alps benedetine e fo la lûs che e à indreçât de bande juste dilunc dai secui. I fraris a dedicarin esperience e capacitât par miorâ i vignâi, i pomârs e i ulivârs. I vignâi de aziende agricule a son metûts su doi anfiteatris naturâi di tieris ponchis eocenichis, a roncs e soreglâts. Di une superficie di 111 etars, 77 di chescj a vignâl, si gjavin fûr vins amabii tant che il Merlot, il Cabernet Sauvignon, il Pinot Blanc, il Cabernet Franc e vins tipics tant che la Ribuele Zale, il Verduç Furlan e il Picolit.