Azienda Agricola Visintini Andrea

Il paîs di Cuar di Rosacis, che il cjistiel di Gramoian al è dongje, al à diviers locâi publics, tra chescj il ristorant carateristic “all’Armistizio”. Altris si ‘ndi puedin cjatâ a Cormons (“la Subida”), o pûr a Cividât (“al Castello” o “al Fortino”). Se si vûl passâ la gnot, dongje dal paîs, in localitât Gjal, al è l’agriturisim “Zoff” che al à un pocjis di cjamaris. Par rivâ in paîs al è ancje un servizi public di corieris.
La aziende “Visintini Andrea” e je a gjestion familiâr e si slargje sù par jù su 22 etars, pe plui part tai Cuei Orientâi dal Friûl e cuntune piçule part dividude tra Cuei, Gravis e Lusinç, dutis zonis là che si fâs vin D.O.C.
Une gjenerazion daspò di chê altre, i Visintini a àn coltivât cun passion i lôr vignâi che si cjatin su tieris ponchis eocenichis. Ben soreglade e cuntun microclime cetant bon, cheste zone e je une des miôr pe culture de vît. Achì si coltivin sei uis di divignince hì si coltivin sei vignicroclime cetant buineautoctone, tant che Tocai Furlan, Ribuele Zale, Verduç Furlan e Refosc dal Pecol Ros, sei altris uis tant che Pinot Grîs, Pinot Blanc, Sauvignon, Traminer Aromatic, Moscât Zâl, Rislinc, Malvasie, Cabernet, Merlot e Franconie.
La filosofie dai Visintini e je: “mancul che si lavore il vin e miôr che al è”. Cussì no si va a disnaturâ il savôr e l’arome de ue.
Si interven dome cun pressis pneumatichis (par folâ il vin in maniere lizere), implants par controlâ la bulidure (par mantignî arome e profum) e il deponisi static che al permet une limpidece naturâl, e si àn cussì vins tipics, frescs, mulisits, profumâts di pomis.