La biblioteche

Il Consorzi al è indotât di une Biblioteche specializade in teme di cjistiei, logade li de sô sede de Tor di Puarte Aquilee, Plaçute dal Poç 21, Udin.

La Biblioteche e je stade metude adun in considerazion des esigjencis di documentazion che a son alimentadis massime des ativitâts dal Consorzi, in teme di redazion di progjets di restauri, di programs di valorizazion turistiche, di documents informatîfs su la storie dai sengui cjistiei, ma che a àn rivuart ancje pes esigjencis di documentazion di studiôs e apassionâts.

Il catalic al è a disposizion dai utents sedi su cjarte, sedi in forme informatiche cun acès tant locâl che in rêt.

L’utent al pues zovâsi de assistence di personâl specializât inte gjestion bibliotecarie.