I consorziâts
Il Consorzi al organize lis personis fisichis e juridichis che a àn la proprietât, il possès o la detenzion a cualsisedi titul di cjistiei e oparis fortificadis o i ents teritoriâi e i organisims di valorizazion turistiche che intal lôr teritori e sedi almancul une opere fortificade.
Si che duncje, cundizion pe apartignince al Consorzi e je la situazion di responsabilitât direte o indirete pe protezion, conservazion e valorizazion di une opere fortificade. Lis cundizions a son in definitive chestis:
- la proprietât o il possès o la competence rivuart a un monument fortificât;
- il riferiment a di un cjistiel o a di une opare fortificade di interès storic;
- la localizazion dentri dai confins de Regjon Autonome Friûl Vignesie Julie.
Lis categoriis di sogjets che duncje a puedin aderî al Consorzi a son chestis:
- personis fisichis che a vedin il titul di proprietât, possès o detenzion a titul di ûs, comodât, locazion, o dut câs titolârs di un dirit reâl di gjoldiment (usufrut, e v.i.) di cjistiei e oparis fortificadis;
- personis juridichis, tant che associazions, fondazions, ents publics, cooperativis, societâts di personis o di capitâl che a sedin titolârs di un dirit reâl di gjoldiment (usufrut, e v.i.) di cjistiei e oparis fortificadis;
- ents publics teritoriâi, tant che comuns, provinciis, regjons, comunitâts montanis e lôr espressions associativis, che tal lôr teritori di competence al sedi un cjistiel o une opare fortificade;
- organisims di valorizazion turistiche, tant che Consorzis turistics, Societâts di aree, Pro loco, che tal lôr teritori al sedi un cjistiel o une opare fortificade.
Si aderìs midiant di une schede di adesion firmade dal titolâr dal dirit. Tal câs di personis juridichis o dut câs no fisichis, la domande di adesion e à di sei deliberade dai siei orghins competents.